Degemer mat e kastell ar Roc’h-Ugu !
Degemer mat d’an holl vrezhonegerezed ha d’an holl vrezhonegerien e Domani ar Roc’h-Ugu ! Ostilhoù brezhonek a bep seurt zo evit gweladenniñ Domani ar Roc’h-Ugu.
Gweladennoù heñchet e brezhoneg er c’hastell
Kinniget e vez gweladennoù heñchet e brezhoneg er c’hastell d’ar 17 a viz Mae, d’ar 14 a viz Even, d’ar 5 a viz Gouere, d’an 30 a viz Eost ha d’an 13 a viz Gwengolo da 2e30.
Klikañ war al liamm-mañ evit miret bilhedoù enlinenn
L'exposition temporaire
L'exposition temporaire "SPERED AN NATUR - Arzoù ar pobloù henvroat e Norzhamerika" (L'ESPRIT DE LA NATURE - Arts des peuples autochtones d'Amérique du Nord) est entièrement traduite en langue bretonne ! Venez la découvrir du 8 mai au 28 septembre 2025 !
Ar c’hastell
War an hentad displegañ pad gouestlet da istor Kastell ar Roc’h-Ugu e c’hallfet selaou 17 kontadenn skrivet gant Marthe Vassalo, ha kontet ganti asambles gant Bastian Gwilhoù.
Fichennoù e brezhoneg a c’hallit kaout evit gouzout penaos e veze implijet ar salioù er 4 estaj eus ar c’hastell.
Exemple de fiche de salle château en breton
Levr yaouankiz "Alc’hwez ar Roc’h"
Domani ar Roc’h-Ugu en doa embannet e 2016, asambles gant Kerjava, ul levr-yaouankiz anvet "La clé de champs - Alc’hwez ar Roc’h", skeudennaouet gant Maria Mengi.
Ul levr divyezhek eo (galleg-brezhoneg) evit lakaat ar re yaouank d’ober anaoudegezh gant al lec’hanvioù e park ar Roc’h-Ugu.
Un digarez eo da gompren anvioù al logelloù el lec’hienn (Stankoù, Prad Bihan, Ti Roigu…), ha gante e c’haller gouzout traoù talvoudus-tre diwar-benn hon endro.
Emañ al levr e gwerzh e stal an Domani hag e lec’hienn Coop Breizh
